吃完饭之后去打羽毛球，今日状态唔错。。同会长苦战左几个回合之后，好爽啊！呵呵。。仲识左一个尼泊尔来既大一既学生，叫啊VIN，同距倾左下计。。距竟然话我地俄语几好＾＾，开心～～后来D越南人包场踢波，搞到先玩左一阵就无得玩。。。样衰。。后来系吸烟区跳绳。。跳左成个钟，爽到爆。。希望可以增到高。哇咔咔！！！今日竟然落左雪啊！！！第一场雪啊～～～虽然放学去买野既时候，都有雨夹雪。。但系好细。。点知道今晚甘大！！我伸手出去，仲揸到一片啊！！后来系窗边竟然有积雪啊！！我影左相！堆左个雪球。。好HIGH啊我地，成班人好似癫左甘。。。。。狂叫。。哈哈哈。。好想D雪再大D。。再大D。。。。好浪漫啊。。。。后来又有FEEL窝。。睇咒怨。。劲恐怖。我冷汗狂飙啊。。呜呜。。仲要比猪猪闹我吵住晒。。。之后惊过头。。训唔着。。睇左一集春香先训得着。。。惊惊。。

寻日OLIGA心情唔好啊。。救命啊。。脸色好难睇啊。。跟住呢，啊茅无来上课，啊MAY无背书，跟住大少第三节课又走佐佬。。搞到仲严重。。唉。。放学之后去NAXOGA买野。。好重啊。。我地今日第一次上体育课啊。呵呵，劲开心。。。因为又有波打。。虽然个老师无出现。。但系唔紧要喇。有波打就得。。我同猪猪，梦槐，会长一齐，开场，好爽啊！！！虽然好累，但系真系好正啊D感觉。。我仲入佐好多波添。。呵呵。。后来又跟阿叻学踢波。。我好屎啊。。之后吃完饭，做作业。。想死啊。唔做唔知道，一做吓一跳。。。我做到两点啊。。晕死。。。

今日OLIGA正常翻。。呵呵。。我讲мой рабочи й день距仲赞我添！！好开心啊！！要继续加油！！我地班貌似来左一个好劲既新同学啊。。有压力添。。我要继续加把劲！！唔可以认输！！！后来翻宿舍就开始煮饭喇。因为今晚系白色大厅有话剧睇。。《黑桃皇后》，但系。。睇完就劲郁闷。。一句都听唔明。。本来以为系话剧，但点知道系西洋讲古佬啊。。简直就系颜志图既接班人。。我地成班人都训着晒。。唉。。郁闷。。翻来果时劲冻啊。。好彩有着长羽绒遮。。但系又落雨窝。。真系面都冻到朦。。。。好彩有车来接我地。。唉。同韩国同学学左几句韩文。。呵呵。。但系宜家我已经唔记得喇。。距好靓女啊。。。人又好，好可爱啊。。。跟住睇书睇左两个钟，觉得眼训。。所以。。训觉。。

９月２日，五点半就起身，辛辛苦苦将所有行李搬到车之后，就踏上征程喇。。半个钟头多D就已经到左机场。等到某郑发机票之后，我地就开始办理登机手续。意外既系，我系屋企明明称到系成三十公斤，系机场竟然称到系２３公斤，呵呵，早知就带多D野拉！之后同爷爷嫲嫲，老豆妈咪道别之后，就入闸噜。。

毕竟系我第一次出远门，离开屋企人，独立甘生活，有D不舍，有D惶恐，但既然选择左呢条路，我就唔会后悔，我会记得我点解当初要选择呢条路，点解放弃国内安逸既生活，系异国他乡艰苦奋斗，因为，我有我既梦想，我有我既执著，菲菲既一句：记住你最初既梦想！！令我更加坚定！老豆，妈咪，你地放心拉，我会好好照顾自己，学成归来～

系经过早上既忙乱之后，飞过７６８２公里的距离，经历过１０小时既飞行，绕左几乎半个地球之后，我地来到芬兰首都赫尔新基。芬兰航空比我既感觉还好，除左我地部飞机系可爱既姆明做装饰之外，就系有EEG既MV睇，哇咔咔，有霆锋，有TWINS，有JOEY，真系好有亲切感。我训又训唔着，睇书又觉得晕，于是只好听飞机上既电台，听左十个钟头既俄语歌，呵呵，但一句都听唔明。。。之后系四个钟头既等待转机既无聊时间。。。我地见到一个系佛山去圣彼得堡读书既姐姐，距仲留低左联系方式比我地，讲左好多野比我地听，好好人。终于到左登机时间，我地坐左一架比较细既飞机之后，北京时间凌晨三点到达圣彼得堡，一日无训觉，扯住几十斤既行李，呢个时候真系有异乡人既感觉。。好彩啊叻帮我拿左个细箱。。。坐左半个钟头车，一路上见到好多俄文，不过睇得明既无几个，有好多酒吧，其实都几热闹。。。到左学校，分好宿舍，收拾完毕之后，已经系四点几，我地个个都凉哦都唔冲就达落床训觉。。。。但可能系时差既关系，我训左五个钟头就醒左，即使我好攰。。。生平第一次通宵，献比俄罗斯，圣彼得堡。。。