今日唔知道点解，有少少呆滞。。可能系从五点十五分睇书睇到十一点十五分既原因挂。。除开我发傻既时间，都有五个钟头。。到后来都唔知自己系度睇咩。。呢排大家都好似好累甘，唔知系因为临近考试呢。。定系因为彼得堡反常，变态既天气。。日日都阴阴沉沉，无太阳，搞到好忧郁甘。。而且十二月仲系甘热。。老师话，甘代表冬天同春天都会好冻。。呵呵。。甘就死咯。。但系我会耐心甘睇下，究竟可以冻到咩程度既。。呵呵。。。睇下有无上一年冻。。

今日系一楼做作业既时候，见到洗衣房既婆婆放工翻屋企。。好心酸。。果时已经十一点几喇。。距点都有六十几岁。。而且好瘦，睇上去好单薄既感觉。。其实平时洗衫既时候都会觉得距好可怜，因为距见到我地去洗衫就会同我地扯家常，好似好开心甘。。因为上班既时间好长，而且好无聊。。所以同我地倾计会觉得系打发时间咯。。我地都好乐意同距倾计。。。今晚见到距着好多衫，带住帽，有D笨拙，但系又好赶甘行过。。心里面真系唔系滋味。。点解甘大年纪仲要甘辛劳。。俄罗斯贫富悬殊真系太大。。我地层楼睇楼既婆婆又系，距话距老公已经过佐身，得距同只猫住，我问距点解甘大年纪仲要做野，距做佐个数钱既动作比我睇。。跟住话：因为我无钱咯。。觉得距真系好惨。。平时仲要帮我地打扫卫生，一层楼成二十间房，距话距一做野就要连续工作六七个钟头，对于一个六七十岁既老人来讲，呢个真系一个不可想象既工作量。。。但愿距地都身体健康吧。。。

见住学校里面每日都有新既圣诞装饰，感受到外国人过圣诞节既气氛。。而且平时我地去开买野既地方，都挂起佐好多霓虹灯，栋起佐圣诞树。。。晚上见到D霓虹灯闪闪下，都几靓。。但系我一D都感觉唔到有可以兴奋既野。。。特别系今日，开始落雨同落小雪，我系窗度望出去，隔住雨水既灯，有D模糊。。。我捻起佐系中国既你地。。。你地仲好吗？以往，我地都会一班FRIEND去开大吃会，去唱K。。或者系班里面搞PARTY，又或者同你去大吃一餐。。呵呵。。。中国D商店都系度有意无意甘搞圣诞大酬宾。。系呢度，因为快考试，我都无时间出去，商店有无减价我都唔知。。。而且师姐叫我地唔好去太热闹既地方，因为会比较乱。。上一年圣诞节涅瓦既花车游行就死佐一个黑人。。。讲到甘恐怖，我都无咩出去玩既兴致喇。。一个喜幸既日子，要蒙上D甘灰暗既色彩。。有D无奈。。。但系，呢个就系现实，由唔得你话想距改变就改变。。当你唔可以改变环境既时候，你只可以适应距。。危险？咪唔去咯。。咪系宿舍煲下电影咯。。或者打下机咯。。呵呵。。其实，点样过都系过遮。。而且，唔知道从几时开始，圣诞节呢个西方既节日系中国人当中都甘流行呢。。。系咪因为西方既节日同中国传统节日相比，都比较浪漫同温馨呢？所以先甘盛行。。定系我地崇洋媚外呢？唔知阿。。讲下遮。。

其实本来我无打算写甘多。。净系打算打扫下SP。。但系唔知道点解写写下就写佐甘多。。。睇来放假之前我都唔得闲上来打扫噶喇。。考试考试考试。。。睇书睇书睇书。。。系我近期既主题。。。有D晕，但系要对得住自己，更要对得住屋企人。。所以，唔洗讲甘多啦。。努力就系啦。。呵呵。。。大家祝福我啊！！

预祝大家Merry Christmas & Happy New Year啦～

P.S.圣诞节既明信片已经寄出，大家圣诞节前后记得查收啦！但系一般都系圣诞节后，呵呵，因为我迟佐寄。。。我知你地唔会怪我既。。呵呵～